Ambasadori amerikan në Kosovë, Greg Delawie ju ka bërë sërish thirrje deputetëve të Kuvendit të Kosovës, që ta ratifikojnë marrëveshjen për demarkacionin me Malin e Zi.
Përmes një postimi në llogarinë e tij në Tëitter, Delawie ka shkruar se këtë javë është koha kur deputetët duhet ta çojnë në fund marrëveshjen për kufirin me Malin e Zi.
“Puna e madhe rreth kushteve të partive e ka sjell marrëveshjen për demarkacionin me Malin e Zi më afër se kurrë për t’u ratifikuar. Deputetë, është koha që t’i afroheni vijës së fundit këtë javë”, shkruan Delawie.
Seanca për ratifikimin e Demarkacionit me Malin e Zi është mbajtur gjatë javës së kaluar mirëpo ajo është shtyrë për një ditë të pa caktuar.
Nuk ka ende një njoftim nga Kuvendi nëse do të caktohet këtë javë apo do të shtyhet për javën tjetër. Kjo e fundit mund të ndodhë nëse koalicioni qeverisës nuk arrinë të bëjë edhe dy vota pasi 78 i ka konfirmuar, ndërsa dihet se për ta ratifikuar këtë marrëveshje ndërkombëtare duhen 2/3 e votave apo të paktën 80 vota. /tesheshi.com/
