Pas një kohe të gjatë, sot Prishtina është zgjuar me forca të shtuara të policisë, ku disa furgonë të të Njësisë Speciale kanë hyrë në kryeqytet duke shtuar masat policore edhe në oborret e objektit të qeverisë dhe kuvendit.
Kjo vjen pasi qeveria pritet të riprocedojë sot për Kuvend marrëveshjen për Demarkacionin me Malin e Zi.
Portali ynë ka kontaktuar me Zyrën për informim të policisë, por nuk ka dhënë detaje të hollësishme për shtimin e forcave të sigurisë, në oborret e objekteve të institucioneve.
“Policia e Kosovës, bazuar ne mandatin e saj ligjor qe ka, do te kujdeset për ruajtjen e rendit dhe sigurisë publike ne vend”, thuhet në përgjigjen e shkurtë të policisë.
Kujtojmë se opozita ka parlajmëruar mbajtjen e një protestë, për të kundërshtuar brenda dhe jashtë Kuvendit ratifikimin e Demarkacionit. /tesheshi.com/
