Presidenti amerikan në largim Donald Trump nuk do të jetë në inaugurimin e Joe Biden sot, dhe media po merret me një nga detajet më të rëndësishme të ditës së inaugurimit – dorëzimin e valixhes bërthamore te kreu i ri i Shtëpisë së Bardhë.
Zyrtarisht, nuk ka asnjë shpjegim se si Trump do të dorëzojë valixhen bërthamore të Biden, e cila i shërben presidentit amerikan në mënyrë që ai të mund të lëshojë raketa bërthamore në çdo kohë, dhe që mbahet nga një ndihmës ushtarak, i cili duhet të jetë me presidentin vazhdimisht.
Zakonisht, valixhja do t’i dorëzohej një ndihmësi tjetër që qëndron pranë presidentit të sapozgjedhur në inaugurim, në këtë rast Biden, ndërsa bën betimin, shpjegon CNN.
Por sot, shkëmbimi do të ndodhë pak më ndryshe nga sa është zakon, pasi Trump do të niset për në Florida në orën 2 pasdite.
Besohet se valixhja bërthamore do të jetë me të gjatë asaj kohe, thonë ekspertët, që do të thotë se do të ketë të paktën dy valixhe në vende të ndryshme.
“Ka të paktën tre, ndoshta katër valixhe identike. Njëra shkon me presidentin aktual, tjetra është me Zv.presidentin dhe e treta është tradicionalisht pranë një personi të destinuar të mbijetojë ngjarje të rëndësishme, të tilla si inaugurimi. Sot një valixhe do të jetë jashtë qytetit, që do të thotë vetëm valixhja e Zv.presidentit Penc të jetë në Uashington nëse zyra ushtarake e Shtëpisë së Bardhë nuk e ka përgatitur një për Biden,” tha analisti Silver Shwarz.
Kodet e aktivizimit të valixheve të Trump do të jenë të vlefshme deri në orën 11.59 të kohës lokale, pas së cilës ato do të fiken.
“Sipas Amendamentit të 20-të, Donald Trump është president deri në 11:59:59 të mëngjesit dhe deri atëherë ka autoritetin ligjor për të përdorur arsenalin bërthamor. Nëse një ndihmës e shoqëron atë në Florida, ndihmësi do të duhet të largohet nga Trump në mesditë dhe të kthehet në Uashington, me valixhe”, shpjegoi Schwarz.
Nëse Trump vendos për një sulmin tjetër bërthamor në 12.01, urdhri nuk do të jetë i vlefshëm dhe komandantët ushtarakë nuk kanë asnjë detyrim për të zbatuar atë.
Ndërkohë, Biden do të marrë “biskotën” e tij (një kartë plastike me kodet për sulmin bërthamor) ndoshta herët në mëngjes, para inaugurimit, si dhe Zv.presidentja Kamala Harris, e cila do të informohet në lidhje me procedurën për fillimin e të një sulmi bërthamor, por kodet e tyre nuk do të jenë aktive deri në mesditë. /tesheshi.com/
