Moska, me gjuhën e kreu të diplomacisë së saj, Sergey Lavrov është shprehur se Britania e Madhe, më shumë se të vërtetën për helmimin e ish-agjentit Skripal, kërkon konfrontimin.
“Po organizohen për të nxitur qëllimisht një konfrontim dhe për të vazhduar demonizimin e Rusisë. E ashtuquajtura ‘çështje Skripal’ u bë një pretekst, qoftë i shpikur, qoftë i inskenuar, për dëbimin masiv dhe të pajustifikuar të diplomatëve rusë, jo vetëm nga SHBA-të dhe Britania e Madhe, por edhe nga një sërë shtetesh të tjera, shumicës prej të cilave thjesht iu shtrënguan rripat”, tha Lavrov.
Sipas gjykimit të tij, në këto shtete futet edhe Shqipëria e cila nuk hezitoi t’i përgjigjej thirrjes amerikane duke dëbuar dy diplomatë rusë nga Tirana. /tesheshi.com/
