Kur 18 vjet më parë Rama e Lubonja grindeshin për fatin e godinës së TK-së, ku i pari kërkonte shembjen e i dyti ekzistimin e saj, Rama do i drejtohej mikut të tij për kokë të zemëruar, me fjalët: “më je bërë si Lenini”.
Ndërsa sot, është Rama ai që akuzohet se po vepron si ish-udhëheqësi komunsit sovjetik, karshi fatit të godinës së Teatrit Kombëtar.
“PD është kundër prishjes së Teatrit Kombëtar, do të qëndrojë fuqishëm në krah të artistëve dhe u bën thirrje artdashësve t’i bashkohen protestës së tyre legjitime. Edi Rama po zhvillon një projekt leninist të uljes së kokës së artistëve, elitës së kombit, për të asgjësuar një tjetër vatër të mendimit të pavarur. Edi Rama e urren mendimin ndryshe, ndaj dhe aktet që po merr ndaj tyre janë akte leniniste, bolshevike për të asgjësuar një elitë kombëtare që projekton mendimin e vet”, tha kryedemkrati Basha, pas një takimi me atë grupim artistësh që janë kundër projektit të Ramës për një teatër të ri. /tesheshi.com/
