Nga Blendi Gashi
Këtë javë Kuvendi i Kosovës diskutoi për rritjen e pagave ku kryeministri Ramush Haradinaj u kritikua nga opozitarët për vendimin e marrë për rritjen e rrogës për vetëveten, ministrat e këshilltarët, për që dështoi mocioni për shfuqizimin e vendimit, duke lënë kështu çdo gjë në dorë të Gjyaktës Kushtetuese.
Haradinaj vendimin e arsyetoi se si kryeshef qeverie duhet të ketë pagë të dinjitetshme pasi tha se gjendet tek në pozitën e 69-të sa i përket rrogës më të lartë në Kosovë, duke thënë se shumë drejtues e zyrtarë tjerë marrin pagë më të lartë.
Dhe është e vërtetë, ku përveç presidentit, kryekuvendarit e deputetëve, rrogë më të lartë se kryeministri marrin edhe shumë zyrtarë të institucioneve të pavarura dhe ndërmarrjeve publike, ku ka prej tyre që paga ju shkon edhe deri në 5 mijë euro, pra trefish më shumë se paga aktuale që merr shefi i qeverisë e që aktualisht është 1 mijë e 443 euro.
Presidenti Hashim Thaçi, merr pagën mujore edhe një herë sa të Haradinajt, pra çdo muaj në konto i dalin 2 mijë e 873 euro në muaj, apo brenda një viti i bie që të pasurohet për 34.476 euro.
Në nivel të njejtë me presidnetin merr edhe kryeparlamentari Kadri Veseli, i cili saktësisht në muaj përfiton 2 mijë e 724 euro.
Pagë më të lartë se kryeministri kanë edhe këshilltarët e Veselit, si Arbana Xharra-Lokaj, e cila në tetor të 2017-tës në AKK ka deklaruar pagë mujore në vlerë 1.512 euro, dhe shumë përafërsisht të njejtë marrin edhe këshilltarët Blerim Latifi e Avni Bytyqi, si dhe të tjerët.
Ja drejtorët e agjencive e ndërmarrjeve që marrin pagë më të madhe se Ramushi
Por më të larta se tre krerët e vendit, marrin disa drejtues të ndërmarrjeve publike e insitucioneve të pavarura, gjithmonë duke ju referuar deklarimit të pasurisë që kanë bërë në Agjencinë Anti-Korrupsion në mars të vitit 2017, ku disa prej tyre kanë llogaritur veç pagën bazë e disa kanë përfshirë dhe mëditjet.
Agron Mustafa, kryeshef ekzekutiv në Telekomin e Kosovës, në deklarimin e pasurisë për vitin 2017-të ka deklaruar se merr page mujore 5 mijë e 182 euro, që i bie 62.184 euro në vit (nuk e ka cekur nëse përfshihen edhe mëditjet apo jo).
Drejtori i Fondit të Kursimeve Pensionale të Kosovës (Trust), Adrian Zalli merr 5.081 euro në muaj apo pagë vjetore 60 mijë e 983 euro (e ka cekur paga dhe mëditje).
Guvernatori i Bankës Qendrore të Kosovës (BQK) merr pagë mujore 4 mijë e 459 euro ose 53.517 euro mijë euro pagë vjetore (nuk ka deklaruar nëse përfshihen edhe mëditjet).
Pas guvernatorit prin Ekrem Hajdari, drejtor menaxhues në Agjencinë Kosovare të Privatizimit (AKP) i cili fiton 3 mijë e 979 euro në muaj ose pagë vjetore 47 mijë e 749 euro.
Drejtori menaxhues i Korporatës Energjetike të Kosovës (KEK) Arben Gjukaj ka deklaruar në AAK në vitin 2017 pagë vjetore në vlerë 38.620 euro, që i bie se në muaj mere 3 mijë e 218 euro (ka deklaruar se paga është paraqitur si neto dhe në këtë shumë nuk është paraqitur shtesa vjetore e cila mund të rritet deri ë 21 % të pagës bazë, varësisht nga performanca në punë).
Mustafë Hasani, kryeshef ekzekutiv i Operatorit të Sistemit të Transmisionit dhe Tregut (KOSTT), ka deklaruar pagë dhe mëditje vjetore në vlerë 35.429 euro (nuk dihet saktë sa merr në muaj pasi nuk i ka ndarë sa merr meditje vjetore, por paga e tij mujore mund të kapë vlerën rreth 2800 euro).
Besnik Osmani, auditor i përgjithshëm ka deklaruar pagë mujore 2.782 euro apo vjetore në vlerë 33.393 euro.
Bahri Nuredini, drejtor i Agjencionit për Shërbime të Navigimit Ajror, merr pagë mujore 2.526 euro apo 30.323 euro vjetore.
Mentor Shala, drejtor i RTK (televizionit publik) ka page mujore 1.893 euro apo 22.724 euro vjetore.
Januz Kabashi, kryeshef i Ibër Lepencit ka deklaruar page mujore në vlerë 1800 euro apo 21.606 euro vjetore.
Nexhat Kryeziu, shef i Ndërmarrjes Publike Banesore më 2017 ka deklaruar page vjetore 19.800 euro apo 1.650 euro mujore (nuk e ka cekur nëse në shumën vjetore hynë dhe mëditjet).
Agron Thaçi, drejtor i Infrakosit ka deklaruar page vjetore 19.200 euro që i bie merr nga 1600 euro në muaj (nuk e ka cekur nëse këtë shumë e merr me mëditje apo pa to).
Naser Canolli, drejtor i Termokosit ka deklaruar page mujore në vlerë 1600 euro (pa meditje).
Valdete Daka, kryetar e KQZ-së sipas deklarimit të pasurisë merr page mujore 1.532 euro apo 18.384 euro në vit. /tesheshi.com/
