Gjermania mund të riaktivizojë së shpejti një formë të rekrutimit kombëtar të civilëve për të ndihmuar ushtrinë të menaxhojë ndonjë katastrofë të ardhshme.
Rekrutimi i civilëve është pjesë e një strategjie të re të mbrojtjes civile që do të diskutohet nga qeveria. Që kur strategjia doli në media ka pasur një debat intensive në lidhje me një pikë të saj, atë të grumbullimit të ushqimeve dhe ujit rezervë.
Në një krizë të mundshme, civilët mund të detyrohen të ndihmojnë në rregullimin e trafikut apo të furnizojnë me karburant e të strehojnë ushtrinë, raportoi agjencia gjermane e lajmeve DPA .
Gjermanët vetë u dukën në përgjithësi të pashqetësuar për atë që disa deputetë e kanë cilësuar si “sulm paniku” për të përdorur një përkthim të lirë të fjalës gjermane “Wehrpflicht” (rekrutim). Drafti ka qenë në rrjetet sociale shumë i diskutuar dhe i debatuar.
Çështja e mbrojtjes civile ka rritur edhe popullaritetin e hamsterave në median sociale, pasi gjermanët, me më shumë sesa doza normale e ironisë, përshtatën hashtagun “Hamsterkaeufe”, që do të thotë futje e panikut apo ardhjen vërdallë si një hamster.
Një artikull satirik në gazetën “Die Welt” bënte shaka duke deklaruar në faqe të parë “Hamsterat janë mbaruar në Gjermani”. Në të thuhet se mungesa e hamsterave u vendoste kombin përballë “një katastrofe të paprecedent humanitare”.
Diçitura e “Die Welt” shkruan: “Mbrojtja më e mirë kundër terrorizmit, përmbytjeve dhe sulmeve të panikut është një hamster luftarak”.
Qeveria thotë se një katastrofë kombëtare nuk ka gjasa të ndodhë, por përgatitjet janë të nevojshme në rast të një sulmi të ardhshëm terrorist apo ndonjë konflikti hibrid që përfshin luftën kibernetike, që mund të dëmtojë pjesë të rëndësishme të infrastrukturës.
Konflikte hibride të deritanishme janë përshkruar gjerësisht ndërhyrja ruse në Ukrainë, marrja klandestine nën kontroll e Krimesë nga kryengritësit separatistë.
Gjermania e hoqi shërbimin e detyruar ushtarak në vitin 2011, por parashikimi për të mbetet në kushtetutë, kështu që mund të rivendoset shpejt, thonë agjencitë.
Gjatë Luftës së Ftohtë, shërbimi kombëtar ushtarak donte të thoshte se Gjermania Perëndimore mund të mobilizonte 495 mijë ushtarë dhe të rriste numrin deri në 1.2 milionë nëse ishte e nevojshme duke thirrur në shërbim reservistët.
Ata që nuk vazhdonin shkollën kishin mundësinë e 18 muajve shërbim civil – si p.sh në spitale – në vend të nëntë muajve në ushtri. Por në pikun e Luftës së Ftohtë, në vitet 1960 dhe 1980, rekrutët duhet të kalonin 18 muaj në ushtri. Gratë përjashtoheshin nga rekrutimi.
Plani i ri i mbrojtjes civile përfshin këshillimin e civilëve për të grumbulluar rezerva të mjaftueshme ushqimi për të paktën 10 ditë, për shkak se shërbimet e emergjencës mund të jenë tërësisht të angazhuara me menaxhimin e ndonjë katastrofe të madhe.
Për ujin e pijshëm, këshilla është furnizim për të paktën pesë ditë – dy litra për person në ditë. Ekspertët e shëndetit publik në Kryqin e Kuq gjerman thanë se debati intesiv që ka krijuar grumbullimi i furnizimeve tregon se njerëzit po bëhen gjithnjë e më pak të përgatitur për emergjencat.
“Ne jemi mësuar – e interneti luan rolin e dorës së fundit- për të pasur gjithçka të arritshme në të gjitha kohët”, thanë ata.
Ata listojnë si furnizime të rëndësishme në kohë emergjencash ujin, makaronat dhe salcën e domatave, së bashku me medikamentet e domosdoshme, një fener, bateri rezervë dhe qirinj.
Gjermania ka ende rezerva ushqimore që parashikohen në ligj, ku përfshihet qumështi pluhur dhe fasulet. Ato mbahen në vende sekrete në rast emergjencash kombëtare. Inventari kontrollohet rregullisht dhe rinovohet.
Përgatiti: Juli Prifti – /tesheshi.com/
