Debat live mes kandidatëve për presidencialet në Amerikë, Hillary: Nuk dua vota në emër të Clinton

Gjatë debatit të parë në televizion mes 5 kandidatëve për Shtëpinë e Bardhë, dueli kryesor ka qenë mes Hillary Clinton dhe Bernie Sanders. “Të pasurit duhet të paguajnë pjesën që ju takon atyre dhe kompanitë duhet të ndajnë fitimet e tyre me punonjësit”,- ka thënë ish zonja e parë mes duartrokitjesh. “Të fitosh në Amerikë me social-demokracinë? Mjafton ta shpjegosh”,- ka thënë senatori Bernie Sanders.

Dueli Hillary-Sanders për kontrollin e armëve – “Është momenti për të gjithë vendin që të reagojë në National Rifle Association”,- ka thënë Hillary Clinton duke nënvizuar qëndrimin e saj për rregulla më të ashpra, sa i takon shpërndarjes së armëve. Tepër e zgjuar ka qenë përgjigja e senatorit, i cili përfaqëson një shtet rural dhe ka bërë apel për nevojën e një zgjidhje që të jetë ‘me sens të përbashkët;. Në luftën ndaj ISIS në Siri, Clinton i dërgoi një mesazh të qartë Moskës: “Nuk do të pranojmë kurrë që Putin të krijojë kaos”.

Sanders ndihmon Clinton: “Nuk ka skandal me e-mailet” – Në mënyrë suprizuese për të gjitha, Sander i ka zgjatur dorën dhe ka ndihmuar Clinton, në vend që ta sulmonte atë dhe ta përballte me skandalin e e-maileve. “Jam i lodhur me këtë çështje. Ka miliona amerikanë që jetojnë një varfëri dhe nuk mund të merremi me e-mailet e Clinton”,- ka thënë Sander. Mes duartrokitjeve dhe ovacioneve të publikut, Clinton falënderoi kundërshtarin në lidhje me këtë temë. Më herët kishte thënë: “Kam marrë përgjegjësitë e mia, por këtë mbrëmje nuk dua të flas për e-mailet e mia, por për problemet e amerikanëve, pasi kjo është ajo që u intereson atyre”.

Hillary: Nuk dua vota në emër të Clinton – “Nuk dua të votohem sepse kam mbiemrin Clinton”,- ka thënë Hillary gjatë sfidës në televizion, duke iu përgjigjur pyetjeve në lidhke me pozicionimet e jashtme dhe historinë politike të familjes. “Nuk mendoj se kjo do të ketë ndikim. Unë kandidoj për t’u bërë presidente dhe kjo është e vetmja arsye pse jam në këtë garë”.

O’Malley, Webb e Chafee, shumë të reduktuar – Protagonistë absolutë të kësaj përballje kanë qenë Hillary Clinton dhe Bernie Sanders. Ajo që dukej se do të mbytej në këtë garë, duket se ka fituar më shumë pikë. “Këto kanë qenë dy orët e saj më të ira, që kur ka kandiduar”,- komenton Washington Post. ‘Socialisti’ Sanders ka treguar gjithë aftësitë dhe pasionin e tij në këtë debat. Ata që dukej sikur nuk ishin në këtë debat dhe që u reduktuan në maksimum kanë qenë O’Malley, Webb e Chafee./tesheshi.com/