Deklarata e ambasadorit amerikan Doland Lu mbi “Eskobarin e Ballkanit”, Klemend Balili ka trazuar ujrat në sallonet e Tiranës, ndërkohë që kanë nisur të lëvizin gjërat.
DEA ka arritur që të sigurojë të rrugën e parave të narkotrafikut nëpërmjet Greqisë dhe ka gjetur vendet ku ata janë investuar në Shqipëri.
Tashmë është çështje ditësh që një dosje shumë e madhe pritet të shpërthejë në Tiranë.
Ndërkohë, po përflitet se avokati i Klement Balilit ka kontaktuar me organe ligjzbatuese në vend dhe me policinë greke, se ai është gati që të dorëzohet me kusht që dosja e tij të shkojë direk në gjykatë.
Po ku ndodhet Balili, në Shqipëri, apo jashtë?
Ka shumë legjenda urbane për këtë, por është fakt se kjo fabul ka tronditur qarqet shumë të fuqishme në Tiranë se “Eskobari” është penduar dhe ka pranuar bashkëpunimin me DEA-n.
Zyra e Athinës e agjencisë së fuqishme antidrogë e SHBA ka rritur ritmin e lëvizjeve për Shqipërinë, dhe vizita e Fatmir Xhafajt në Uashington, sikur i ka përshpejtuar gjërat.
Përveç Balilit, janë përpunuar edhe dy dosje të tjera “peshqish të mëdhenj” që tashmë janë kapur, ndodhen prapa hekurave dhe kanë folur. Kanë rënë dakord që të tregojnë gjithçka për amerikanët.
Është e çuditshme gjeopolitika e këtij fjalëkryqut të trafikantëve shqiptarë që janë kapur njëri pas tjetrit.
Njëri është arrestuar në Athinë dhe është fieraku Arjan Shenaj, i cili është një nga kokat e trafikimit të kokainës nëpërmjet Greqisë.
Shenaj u kap vitin e shkuar në Athinë dhe ndodhet në burgjet e sigurisë së lartë në kreyqytetin grek.
Kurse tjetri është Met Kanani, sërish një biznesmen nga Fieri, i cili sapo u arrestua në Bodrum të Turqisë.
Të dy narkotrafikantët shqiptarë janë në duart e DEA-s, e cila ka koordinuar thuajse të gjitha operacionet prej më shumë se dy vjetësh në këtë rajon.
Treshja pritet të plotësohet këto ditë me Klement Balilin, i cili ndryshe nga të parët ka qenë person i njohur, madje i emëruar në një post të lartë shtetëror dhe me lidhje të forta politike.
DEA amerikane ka aktivizuar një qendër operacionale shumë sekrete në Shqipëri, dhe po vepron me një grup shumë të vogël njerëzish në policinë shqiptare.
Nëse agjentët e DEA-s arrijnë të sigurojnë informacione të vlefshme nëpërmjet inteligjencës, ata nuk e ndajnë me askënd, përveç ambasadorit amerikan Donald Lu.
Është ky i fundit, i flet me Ministrin e Brendshëm për të vepruar.
Njerëzit që angazhohen në operacion përgjithësisht orientohen nga agjentët e DEA-s të cilët kanë arritur të identifikojnë policët e ndershëm dhe ata të lidhur me narkotrafikun.
Për një periudhë ta gjatë, amerikanët kanë arritur të mësojnë nëpërmjet informacioneve nga brenda uniformave blu se kush janë oficerët e lidhur me trafikun e drogës.
Thuhet se kjo listë i është dhënë Fatmir Xhafajt kur ka vizituar Uashingtonit. Por ka gjasa që gjithsesi të mos ishte e plotë, pasi ka qenë një test për të parë nëse do të kishte rrjedhje… /tesheshi.com/
