Sapo ka mbërritur në tokën shqiptare, trajneri i kuqezinjve, Gianni De Biassi, ka shprehur konsideratat e tij mbi ndeshjen e mbrëmshme me Italinë në Palermo, duke u shprehur deri diku i kënaqur me lojën, por aspak me rezultatin. Po ashtu, trajneri italian i shqiptarëve shprehu rezerva dhe për arbitrimin.
“Mendoj se kemi zhvilluar një ndeshje taktikisht të mirë dhe në momente të veçana ka munguar finalizimi. Edhe në mbrojtje mendoj se kemi bërë mirë duke parë kundërshtarin që kishim përballë. Duke iu referuar mbrojtjes me Veselin dhe Ajetin patën performancë të mirë dhe pse patëm mungesa në mbrojtje ky sektor arriti të bëjë një mbulim të plotë pavarsisht rasteve të golit. Në përgjithësi vlerësoj faktin se lojtarët u përgatitën mjaft mirë. Kishim përballë një skuadër kompakte që ka parametra teknik dhe taktik. Duke iu referuar statistikave, shohim që ka 15 faulle nga ne dhe 14 nga italianët, por arbitri ka nxjerrë 5 kartonë të verdhë për ne dhe 0 për ata. Kemi aplikuar 3 skema taktike dhe ndjej keqardhje për mënyrën se si pësuam golin e dytë. Kishim një rritje të lojës në fund të takimit. Është shumë e rëndësishme që ajo që mungoi ishte goli, për faktin e administrimit të topin kemi qenë diku afër me italianët.”
Di Biassi ka mohuar se po mendon mbi një dorëheqje të mundshme, ndërsa ka thënë se Xhaka dhe Abrashi nuk u aktivizuan për problem fizike, e se ata nuk do largohen nga kombëtarja. /tesheshi.com/
