De Biasi ndryshe nga Duka nuk trembet nga shorti: Do të rrezikojmë të gjithë kundërshtarët

Kombëtarja shqiptare ka mësuar kundërshtarët me të cilët do përballet gjatë kualifikimeve për Botërorin “Rusia 2018”. Kuqezinjtë do garojnë në grupin G me ish kampionët e botës Spanjën dhe Italinë, Izraelin, Lihteshtajnin dhe Maqedonin. Në plan të parë duket një grup ferri, mirëpo njeriu që mendon strategjinë e luftës, tekniku Gianni De Biasi  nuk frikësohet aspak, madje mendon të luajë lojë sulmuess pavarësisht rivalit në fushë.
“Ndodhemi në një grup të vështirë. Por, Shqipëria do luajë gjithë kartat e saj dhe unë besoj që do rrezikojmë me gjithë kundërshtarët. Ndeshja me Italinë do jetë do jetë e veçantë pasi për ne do të jetë një ndeshje derbi, ashtu siç do të jetë përballja e tyre me Spanjën. Mirëpo, lojtarët që luajnë në kampionatin italian besoj që do na ndihmojë në këtë drejtim”, shkruan La Repubblica.
Tekniku gjithashtu u pyet lidhur me kundërshtarin më të fortë ose thënë më ndryshe rivalin kryesor ndërmjet Spanjës dhe Italisë, në të cilën De Biasi u përgjigj: “Dy skuadrat kanë shkallë mjaft të lartë teknike. Ndeshja fillon e barabarta asnjëherë nuk shkon në zbritje, prandaj edhe ne kemi gjasat tona. Ne jemi në rritje e sipër, mirëpo do të shohim se si do dalim në këto ndeshje, në fund të fundit ata që arrijnë të fitojnë do kualifikohen”, citohet të ketë thënë De Biasi.
Gjithë sytë e kuqezinjëve janë tek Spanja dhe Italia, cilësuar si kundërshtarët më të forte. Mirëpo, në grupin G bëjnë pjesë edhe Izraeli, Maqedonia dhe Lihteshtajni të cilat nuk duhet nënvlerësuar sipas De Biasit.
“Janë kundërshtarë shumë sfidues, prandaj nuk duhet nënvlerësuar. Izraeli dhe Maqedonia janë konkurruese kështu që duhet të kemi kujdes”, përfundoi De Biasi. /tesheshi.com/