Ish-kryeministri turk Ahmet Davutoglu tha nga Vjena se Bashkimi Evropian dhe Turqia kanë nevojë për njëra-tjetrën.
Në një diskutim të organizuar nga Instituti i Shkencave Sociale, ai tha dje se “nuk ka një destinacion evropian pa Turqi, pasi nuk ka një destinacion turk pa Evropë”, duke vlerësuar gjithashtu se BE dhe Turqia nuk janë konkurrentë.
Ai vuri në dukje se Turqia është “një zog me katër krahë – njëri krah i lidhjes transatlantike me NATO-n dhe Shtetet e Bashkuara, një me BE-në, një me Rusinë si fuqi aziatike, dhe i katërti me Teherani si fuqi rajonale”.
Kur këto katër krahë të lidhen, atëherë, sipas fjalëve të tij, zogu mund të fluturojë shumë më shpejt dhe në mënyrë të sigurt.
“Rusia dhe Turqia ndajnë një interes të përbashkët, që është stabiliteti në Ballkan, Kaukaz dhe Azinë Qendrore. Kur këto dy vende qëndrojnë në të njëjtën anë, ato përfaqësojnë një forcë stabilizuese”, tha ish-kryeministri Davutoglu. /tesheshi.com/
