Një histori që duket si film është ajo e Kate dhe Ginder të cilët ranë në dashuri me shikim të parë, por jeta e tyre mori rrugë të ndryshme për dekada përpara se të ribashkoheshin.
Kate Pym ishte 17 vjeçe kur u takua me 23-vjeçarin Ginder Behr nga Gjermania në Devon të Anglisë, i cili ishte në Britani për të përmirësuar anglishten e tij, shkruan BBC.
“Unë hyra në një bar dhe pashë këtë djalë të mrekullueshëm,” kujton ajo sot nga takimi i tyre në vitin 1989. Ajo nisi një bisedë me të riun, i cili gjithashtu dukej si tastieristi i famshëm i atëhershëm i A-Ha(grupit të famshëm muzikor nordik), dhe u caktuan të takohemi sërish.
Në kohët pa rrjete sociale, kur Ginder u nis për në Gjermani, ata mbanin kontakte me letra, “telefonata të shtrenjta” dhe disa vizita. Por gradualisht ata humbën kontaktin dhe Kate mori vendimin e vështirë për t’i dhënë fund romancës në distancë në vitin 1991, edhe korresponduan për dy vjet të tjera.
Ata të dy u martuan në jetët respective, por dhe u divorcuan në vitet në vijim.
Në nëntor 2020, Kate, teksa kërkonte stolitë për pemën e Krishtlindjes, gjeti letrat që kishte shkëmbyer me Ginder. Ajo i rilexoi të gjitha me radhë dhe u përpoq të gjente sërish dashurinë e saj të vjetër – jo e lehtë sepse nuk kishte as prani në rrjetet sociale.
Kur Ginder mori letrën e saj, ai mbeti i shtangur, kujton sot. Ai e thirri menjëherë. Kate kujton kohën dhe ditën: në orën 12:26 më 22 nëntor 2020.
Çifti e kapi përsëri fillin. Në janar 2021 ata u takuan dhe në dhjetor të të njëjtit vit u martuan në Bavari. Tani ata po përgatiten të jetojnë së bashku në Gjermani, më shumë se tre dekada pasi u takuan për herë të parë. /tesheshi.com/
