Ambasadorja amerikane Yuri Kim darkoi me kreun e opozitës Basha të shtunën në mbrëmje në një prej restoranteve të Tiranës, pas së cilës, ajo por Basha, shkroi: “Sonte u takova me Kryetarin e PD Lulzim Basha.
Diskutuam rolin thelbësor të opozitës në demokraci, pikëpamjet e opozitës mbi çështjet kryesore dhe përgatitjet për zgjedhjet e 25 Prillit. Të gjitha partitë duhet të sigurojnë kandidatë të pastër. SHBA do të bëjë pjesën e vet për të mbështetur zgjedhjet e lira dhe të ndershme në Shqipëri”.
Ky zhvillim vjen pas një tjetër vale protestash të dhunshme ndaj institucioneve, me aktorët e opozitës pas tyre e jo në ballë, të cilët Kim i ndëshkoi duke i quajtur “ish-pushtetarë”, pra duke jua hequr statusin e të qënit opozitarë.
Por darkimi duket se është një rehabilitim i Bashës nga ana e Uashingtonit, në një kohë kur opozita po vuan dhe një krizë disavjeçare në raportet ndërkombëtare, qysh kur nisi Reforma në Drejtësi.
Kujtojmë që ndërsa Basha darkonte me Yuri Kim, Berisha sulmonte ashpër, në nëj rast të paprecedent, shefen e OMN-së, ndryshe rojen europiane të reformës, diplomaten Genoveva Calavera. /tesheshi.com/
