Danimarka ka hequr ndalesat për shitjen e armëve në Arabinë Saudite dhe Emiratet e Bashkuara Arabe si pjesë e doktrinës së re të politikës së jashtme të “realizmit pragmatik”, raporton Anadolia.
Në një intervistë me Politiken më 9 mars, ministri i Jashtëm Lars Lokke Rasmussen tha se ndalimet e vendosura në 2018 dhe 2019 për shkak të vrasjes së gazetarit saudit Jamal Khashoggi dhe luftës në Jemen do të hiqen.
Megjithatë, Rasmussen theksoi se ministria do të kryejë një analizë vjetore të vendit dhe vlerësimin e sigurisë për të parandaluar përdorimin e armëve daneze kundër popullit të vet ose në luftërat “të zhvilluara në mënyrë të papërshtatshme nga vendet në fjalë”.
Duke shpjeguar se vendimet për heqjen e embargos së armëve u morën si pjesë e doktrinës së re të politikës së jashtme të Danimarkës, Rasmussen vuri në dukje se doktrina, të cilën ata e përshkruajnë si “idealizëm pragmatik” ose “realizëm pragmatik”, dallon qartë nga politika e jashtme e paraardhësit të tyre.
Sipas raportimeve të mediave, Danimarka ka më shumë se 200 kompani në sektorin e mbrojtjes. /tesheshi.com/
