Shumë shtëpi në Rripin e Gazës u përmbytën të mërkurën, më 13 shtator, si pasojë e shirave të dendur të shkaktuar nga stuhia Daniel.
Pas dëmeve të shumta materiale dhe një numri të madh të të vdekurve në Libi, stuhia arriti edhe në territoret palestineze të martën vonë.
“Ekuipazhet tona u angazhuan në dhjetëra detyra si rezultat i stuhisë që goditi Rripin e Gazës të mërkurën në mëngjes”, tha zëdhënësi i Shërbimit të Mbrojtjes Civile Palestineze, Mahmoud Basal në Gaza.
Ai konfirmoi se shumë shtëpi janë përmbytur.
After devastating #Libya, Storm Daniel's remnants reached the #PalestinianTerritories, bringing heavy rains. Gaza's #Jabalia camp faced flooding, and numerous homes in the Strip were inundated.#LibyaFloods #StormDaniel #Palestine #Gaza pic.twitter.com/U4VTdeFush
— Kasturi Chakraborty (@journokc) September 13, 2023
Agjencia Meteorologjike Palestineze paralajmëroi qytetarët për “mundësinë e shirave të dendur në disa zona”.
Numri i të vdekurve nga efektet e stuhisë Daniel dhe përmbytjet shoqëruese në Libinë lindore ka tejkaluar 6,000, dhe disa mijëra janë ende të zhdukur.
Federata Ndërkombëtare e Shoqatave të Kryqit të Kuq dhe Gjysmëhënës së Kuqe njoftoi të hënën se numri i personave të zhdukur pas përmbytjeve tejkaloi 10,000.
Shirat e dendur si rezultat i një cikloni të fortë goditën disa zona në Libinë lindore të dielën, duke përfshirë Bengazin, Al Bayda dhe Al-Marj, si dhe Soussa dhe Derna./tesheshi.com/
