PS dhe ajo pjesë e PD-së që drejtohet nga Alibeaj, ranë dakort për hapjen e dosjeve të ish-Sigurimit të Shtetit. Të dyja palët kanë miratuar në parim propozimin e socialistëve për ndryshimet në ligjin “Për të Drejtën e Informimit për dokumentet e Ish-Sigurimit të Shtetit”, që do të mundësojë të vendosen në sitë të gjithë politikanët që kanë kaluar verifikimin nëse kanë qenë apo jo bashkëpunëtorë të ish sigurimit të shtetit, si dhe propozimin e demokratëve për ndryshim në ligjin për “Për Informacionin e Klasifikuar “Sekret Shtetëror”, që do të mundësonte hapjen e të gjitha dosjeve të së kaluarës.
Shkak i këtij zhvillimi u bë dyshimi pas një denoncimi te Autoriteti i Dosjeve për të qenët e Ilir Met(ajt)ës ish-spiun në periudhën studentore.
Madje këtë inisiativë, Partia e Met(ajt)ës dhe vetë ky i fundit e konsiderojnë si një konspiracion ndaj tij.
Kështu, pasi të kalojë ligji, pritet të hapen dosjet për shumë figura politike, më kryesorja për Metën, për të parë nëse I. M. i denoncuar nga SHBA është apo jo Ilir Meta(j). Por më shumë se kaq, mund të hapet dhe dosja e Berishës, për të cilin gjithashtu ka dyshime se ka qenë ish-bashkëpunëtor i Sigurimit. /tesheshi.com/
