Virologu rus Andrei Botykov, i cili kishte kontribuar në zhvillimin e vaksinës Sputnik-V kundër koronavirusit, u gjet i vdekur me shenja mbytjeje nga një rrip.
Trupi u gjet dje të enjten në banesën e shkencëtarit në veriperëndim të Moskës, raporton Daily Mail.
Botikoff ishte një studiues i vjetër në Qendrën Kombëtare të Kërkimeve për Epidemiologjinë dhe Mikrobiologjinë dhe kishte punuar gjithashtu në Institutin Shtetëror të Virologjisë. Ai ishte vlerësuar me një medalje për kontributin e tij në krijimin e vaksinës Sputnik V.
Një 29-vjeçar, Alexei Zmanovsky (foto më poshtë), tashmë është arrestuar për vrasjen e dyshuar të virologut kur ai hyri në shtëpinë e tij dhe ata filluan të grinden për para.
Sipas Daily Mail, i riu ka pranuar krimin gjatë marrjes në pyetje. Mediat ruse raportojnë se ai ishte dënuar më parë me 10 vjet burg me akuzën e ofrimit të shërbimeve seksuale.
Sputnik-V ishte vaksina ruse për COVID-19, e cila u përdor gjerësisht, përtej Rusisë, në vendet mike dhe aleate, përfshirë Turqinë. /tesheshi.com/
