Merkato e janarit po afrohet dhe spekulimet për transferime të shumta veçse kanë filluar. E përditshmja britanike Daily Mail, ka publikuar një listë prej 10 futbollistëve të cilët kanë ndërruar ambient në merkaton e janarit dhe kanë dështuar t’i tregojnë vlerat e tyre.
Njëri ndër transferimet më të dështuara të merkatove të janarit pa dyshim mbetet spanjolli, Fernando Torres, i cili ndërroi mjedis nga Liverpool tek skuadra londineze, Chelsea.
“Është futbollisti më i shtrenjtë i shitur ndonjëherë në merkaton e janarit, njëherit edhe më i dështuari. Klubi londinez pagoi 68,6 milionë për Fernando Torresin i cili ishte figura kryesore e skuadrës së Liverpool dhe përfaqësueses spanjolle dhe së bashku me Didier Drogban do të formonin dyshen sulmuese më të frikshme në Europë. Mirëpo Torres realizoi vetëm një gol në 18 paraqitjet e para duke dëshmuar qartë kështu së transferimi i tij kishte dështuar. Vetëm 20 gola në 92 paraqitje janë tepër pak për një sulmues që kishte ardhur me shifra rekorde në Stamfor Bridge”, shkruan Daily Mail.
Andy Carroll, kaloi nga Newcastle tek Liverpool për 48 milionë euro, që gjithashtu nuk arriti ti përmbush pritshmëritë. Në listën e futbollistëve që dështuan të lënë gjurmë, përkundër bujës së madhe për transferimin e tyre, është edhe Juan Cuadrado, që erdhi nga Fiorentina tek Chelsea, për 32 milionë euro. Kolumbiani i zhvilloi vetëm katër paraqitje si tituall gjatë gjithë sezonit, për tu transferuar më pas tek Juventus.
Ndërkohë, po në merkaton e janarit shumë klube kanë bërë goditje të qëlluara, deri sa lojtarët e transferuar gjatë këtij afati kalimtar, kanë sjellur rendimentin e duhur. Manchester United kishte transferuar Vidiç dhe Evran në vitin 2006, që më vonë u bënë pjesë e pandashme e formacionit bazë të djajve. Liverpool, kishte bërë goditjet e duhura në janar deri sa kishte transferuar Mascheranon në vitin 2007 dhe Luis Suarezin në vitin 2011. Ndërkohë, Branislav Ivanoviç ishte goditje që kishte bërë Chelsea në vitin 2012, gjatë merkatos së janarit dhe deri më tani, futbollisti mbetet një titullar i pazevendësuar tek klubi londinez. /tesheshi.com/
