Serbia këmbëngul në një kompromis në dialogun me Kosovën dhe, kur u pyet se çfarë do të ishte një kompromis, kreu i Kuvendit të Serbisë, Ivica Daçiç, tha: “Për mua, një kompromis është një situatë reale në terren”.
“Ne kemi një situatë që është ende e hapur. Dhe kjo do të thotë që çështja e statusit të Kosovës është e pazgjidhur, pavarësisht nga fakti se Kosova mendon se çështja është zgjidhur dhe nuk është zgjidhur derisa të pranohen në Kombet e Bashkuara.
Nga ana tjetër, situata në terren – kjo është ajo që amerikanët shpesh duan të thonë – është e tillë që, pavarësisht nga fakti se 99 përqind e qytetarëve serbë do të thonë se Kosova është pjesë e Serbisë, Serbia nuk ka sovranitet të plotë në Prishtinë
. Por Prishtina gjithashtu nuk ka sovranitet të plotë në veri të Kosovës. Kjo është situata në terren. A mund të ndryshojë kjo situatë në terren përveç luftës? A mund të ndryshohet, për shembull, me kompromis? Po. Më mirë një kompromis. Pra, për mua, kompromisi është situata reale në terren”, thotë Daçiç.
Daçiç gjithashtu shprehu një pozicion interesant në lëvizjen e kufijve.
“Nuk e hapa unë idenë e lëvizjes së kufijve. Unë nuk isha në favor të kësaj, por kur Kosova shpalli pavarësinë, ajo ripërcaktoi kufijtë në Ballkan. Kjo është një e vërtetë dhe një fakt historik”, tha një ndër figurat politikë më të fuqishme të Serbisë pas Vuçiçit. /tesheshi.com/
.
