Situata koronare në Shqipëri ka ofruar çudinë e saj, pasi të gjithë infektimet e 24 orëve të fundit i përkasin vetëm një qyteti të vetëm, Durrësit me 13 raste. Ndërsa Tirana e Kruja kanë rezultuar me 0 raste.
“Janë testuar 260 qytetarë si të dyshuar si të prekur me Covid-19 dhe kanë rezultuar pozitivë 13 qytetarë, të gjithë në Qarkun Durrës.
Rastet e reja janë kontakte të personave që tashmë rezultojnë pozitivë në vatrën e re të Durrësit, ndërkohë që po vazhdon hetimi epidemiologjik aktiv në terren.
Qytetarët duhet të vazhdojnë të kenë kujdes, për të respektuar masat e vendosura, në mënyrë që të minimizojmë sa më shumë përhapjen e virusit tek kontaktet familjare apo më gjerë.
Deri më sot janë kryer mbi 12,500 testime dhe janë konfirmuar pozitivë me COVID-19 në të gjithë vendin 946 qytetarë. Prej tyre, rreth 76% janë të shëruar”, u tha në deklaratën e përditshme të Ministrisë së Shëndetësisë. /tesheshi.com/
