Kryeministri Ramush Haradinaj, para nisjes sot për në Bruksel për të marrë pjesë në Këshillin e Stabilizim Asociimit Kosovë-BE, është takuar me presidentin Hashim Thaçi në aeroportin ndërkombëtar të Prishtinës, “Adem Jashari”.
Këtë e ka bërë të ditur vet Haradinaj përmes një postimi në Facebook i cili ka thënë se ka biseduar me Thaçin për rrugën evropiane të Kosovës.
Megjithatë, kjo përcjellje e pazakontë që i ka bërë Thaçi kryeministrit Haradinaj lë shumë pikëpyetje pas duke ditur që të dy këta kanë qëndrime diametralisht të kundërta me njëri-tjetrin lidhur me çështjen e Demarkacionit me Malin e Zi. /tesheshi.com/
