Zgjedhjet në Bosnjë-Hercegovinë po sjellin një panoramë krejtësisht dramatike, pasi 20 vjet pas gjenocidit të tmerrshëm të Srebrenicës, partitë serbe ka gjasa të marrin bashkinë e qytetit legjendaro-tragjik.
Sipas të dhënave që shpërndau Komisioni Qendror i Zgjedhjeve, numërimi po bëhet shumë ngadalë dhe nga 28 vendvotime kanë dalë rezultatet e 21 prej tyre.
Siç bën të ditur gazeta bosnjake Vijesti, kandidati i partive serbe, Mladen Grujçiç që garon nën siglën e koalicionit “Bashkë për Srebrenicën”, ndodhet me 545 vota përpara.
Koalicioni serb ka marrë 3.879 vota, ndërsa koalicioni i partive muslimane boshnjake ka marrë 3.334 vota.
Gara po zhvillohet shumë e egër dhe do të duhet të pritet deri në kutinë e fundit për të përcaktuar fituesin.
Kandidati i pavarur i propozuar nga partitë boshnjake, Qamil Durakoviç ka marrë rreth 80 vota më pak se partitë që e kanë mbështetutr, gjë që sjell një objekt për të analizuar mbështetjen politike që i është bërë kryebashkiakut aktual të qytetit simbol të rezistencës boshnjake.
Sipas sistemit electoral, në Bosnjë nuk votohet kandidati për kryetar në mënyrë mazhoritare, por për listat e subjekteve elektorale me sistem proporcional që zgjidhen në këshillin e bashkisë, i cili më pas zgjedh kryetarin.
Durakoviç u paraqit në zgjedhje me një listë të tijën të pavarur, e cila ka marrë 1.631 vota, ndërsa koalicioni i partive që e mbështesin ka marrë 1711 vota.
Ndërkaq, pasiguria e rezultatit është e madhe pasi do të duhet të numërohen edhe votat e ardhura nëpërmjet postës, por edhe ato në selitë konsullore nëpër botë, pasi emigrantët në Bosnjë mund të votojnë atje ku ata jetojnë.
Në bazë të rezultateve paraprake nga zgjedhjet lokale të mbajtura në Bosnjë, koalicioni i Partisë për Veprim Demokratik (SDA) dhe Lidhjes për Ardhmëri më të Mirë (SBB), pra muslimanët, ka fituar 34 kryetarë bashkish.
Unioni Demokratik Kroat BeH (HDZ BeH) ka fituar garën për kryetar në 18 komuna, ndërkohë që Partia Socialdemokrate (SDP) ka fituar tetë vende.
Por ajo që po ndodh në Srebrenicë, edhe pse është një zhvillim dhe gjërat mund të ndryshojnë, mund të shërbejnë si fitil për një zjarr të madh.
Vetë presidenti rus Vladimir Putin ka uruar personalisht Mlladen Gjuriëin me telefon dhe i ka premtuar lumë parash.
Njerëzit e ardhur me autobusë thërrisnin në rrugët e Srebrenicës: “Fitore” dhe “Serbia”.
“Ka pasur një lumë parash nga Shesheli dhe rusët” tha kandidati Qamil Durakoviç.
Presidenti i Republika Srbska, Miroslav Dodik ka pirë deri në orët e vona, është bërë xurxull dhe ka kënduar një këngë të vjetër popullore serbe. “Ne može nam niko ništa jači smo od sudbine, mogu samo da nas mrze oni što nas ne vole” (Anjëri s’mund të na prekë, ne jemi më të fortë se vetë besimi, kush nuk na do, mund të na urrejë). /tesheshi.com/
