Numri i vdekjeve të lidhura me COVID-19 ka rënë me 95 për qind që nga fillimi i vitit, tha Organizata Botërore e Shëndetësisë (OBSH), duke paralajmëruar se virusi nuk është zhdukur.
Virusi nuk do të zhduket së shpejti dhe vendet në mbarë botën duhet të mësojnë se si të menaxhojnë pasojat e tij jashtë situatave emergjente, siç janë pasojat që ndjejnë personat e infektuar me “COVID të gjatë”, transmeton AFP.
Tedros Adhanom Ghebreyesus, drejtori i përgjithshëm i OBSH-së, shtoi se një në dhjetë infeksione kanë simptoma të “COVID-it të gjatë”, që do të thotë se qindra miliona njerëz mund të kenë nevojë për trajtim afatgjatë.
Virusi po përhapet sërish
“Ne përcjellim optimizëm nga rënia e vazhdueshme e numrit të vdekjeve të raportuara nga COVID-19, të cilat kanë rënë me 95 për qind që nga fillimi i këtij viti”, theksoi ai.
“Megjithatë, në disa vende, virusi korona po përhapet përsëri dhe në katër javët e fundit, rreth 14,000 njerëz kanë vdekur”, tha Ghebreyesus.
Sipas tij, siç tregohet nga shfaqja e llojit XBB.1.16, “virusi është ende në mutacion dhe është ende i aftë të shkaktojë një valë të re infeksioni dhe vdekjeje”. /tesheshi.com/
