Ushtria amerikane, si të gjithë të tjerët, është e detyruar të përshtatet me rrethanat e pandemisë. Por pakkush priste të ndalonte këdo që i mbijetoi koronavirusit të bashkohej me ushtrinë – për gjithë jetën.
Kjo është saktësisht ajo që thuhet në memorandumin e ri të Komandës për Përpunimin e Hyrjes në Ushtrinë Amerikane (MEPCOM), e cila ka rrjedhur në internet, pas së cilës u transmetua nga portali i specializuar ushtarak Military Times dhe media të tjera amerikane.
“Gjatë një konstatimi të COVID-19, e konfirmuar nga një test laboratorik ose nga diagnoza e një mjeku, vjen skualifikimi i përhershëm,” thuhet në memorandum.
“Ata që kanë qenë infektuar me COVID-19 nuk kualifikohen më për shërbim ushtarak, edhe pasi të jenë rikuperua plotësisht ???”, komentoi një përdorues në Twitter nga Juta i cili postoi dokumentin e diskutueshëm në këtë rrjet social.
Sipas rregullave të reja, mjaft konfuze, njerëzit që aplikojnë për shërbimin ushtarak së pari do të kontrollohen për simptoma të mundshme COVID-19 siç janë ethet – por nuk do të testohen. Nëse kandidati nuk e kalon këtë test, por nuk ka një diagnozë të mëparshme ose një gjetje pozitive, ai mund të hyje 14 ditë në karantimin nëse nuk tregon simptoma.
Kushdo që diagnostikohet me infeksion duhet të presë 28 ditë pas diagnozës përpara se të mund të raportojë përsëri, por më pas raporti i tyre do të etiketohet si “skualifikohet përgjithmonë”. Kandidatët mund të kërkojnë një përjashtim nga ky skualifikim, por duke pasur parasysh që nuk ka udhëzime të mëtejshme për përjashtime për diagnozën e COVID-19, nuk është e qartë mbi çfarë baze Komisioni i Rishikimit do të jetë në gjendje të japë një përjashtim, shkruan Military Times.
Sidoqoftë, përjashtimi nga skualifikimi mjekësor lëshohet në ushtrinë amerikane për një gamë të tërë problemesh shëndetësore, nga dioptrat tek sëmundjet e zemrës.
Zëdhënësja e Pentagonit Jessica Maxwell konfirmoi për këtë portal të specializuar ushtarak se dokumenti është autentik, por nuk pranoi të shpjegojë pse një diagnozë e koronavirusit nënkupton skualifikimin e përhershëm – me fjalë të tjera, gjatë gjithë jetës, për dallim nga disa sëmundje të tjera infektive.
Arsyeja: Pasojat afatgjata të panjohura të koronavirusit?
Një zyrtar amerikan i mbrojtjes sqaroi për CNN se ndalimi i rekrutëve të mundshëm që ishin shtruar në spital për koronavirus ishte prezantuar për shkak të njohjes së kufizuar të pasojave “afatgjata” të koronavirusit, për këtë arsye ushtria është e shqetësuar se rekrutë të tillë të mundshëm do të kërkojnë ekzaminime dhe teste shtesë mjekësore.
Military Times gjithashtu spekulon që, duke pasur parasysh njohuritë e kufizuara dhe akoma të pasigurta shkencore që kemi për COVID-19, ushtria amerikane dëshiron që, të paktën tani për tani, të shmangë rrezikun. Ky rrezik mund të jetë dëmtim i përhershëm i mushkërive, mundësia e rikthimit, madje edhe tek dikush që ka kryer dy teste të njëpasnjëshme negative, si dhe mundësia që një person që ka mbijetuar në versionin aktual të COVID-19 të mos jetë plotësisht imun ndaj infeksionit në valën e dytë. Eshtë e mundur, të paktën në teori, që ky ri-infeksion të jetë edhe më i keq, veçanërisht për ata që e kapërcyen COVID-19 në valën e parë.
Nga rruga, shpërthimi i koronavirusit është zbuluar tashmë në bazat ushtarake amerikane “Fort Jackson” në Karolinën e Jugut dhe në Depon e Rekrutimit Detar në San Diego, California. Këto janë dy instalimet më të mëdha ushtarake amerikane për të hyrë në ushtri.
Në total, më shumë se 4,000 anëtarë të Forcave të Armatosura të SHBA-së janë testuar pozitiv deri më tani, raporton Washington Times. Vetëm në transportuesin e avionëve “USS Theodore Roosevelt”, infeksioni u konfirmua në pothuajse një mijë anëtarë të ekuipazhit, dhe 1.700 prej tyre janë në karantinë ose trajtim në bazën detare në Guam.
Nuk është e qartë nëse kjo do të thotë që të gjithë ata të infektuar tani do të dëbohen nga Ushtria ose Marina. Dhe nëse jo, nuk është e qartë pse atëherë të gjithë kandidatët për shërbimin ushtarak do të skualifikohen për të njëjtën arsye. Ndërkohë, lind pyetja nëse Forcat e Armatosura të SHBA do të kenë një numër të mjaftueshëm rekrutësh të rinj përpara se të zhvillohen testime të mjaftueshme rigoroze dhe të besueshme. /tesheshi.com/
