Gazeta italiane Corriere della Sera i ka kushtuar një shkrim kthimit në atdhe të italianit 69-vjeçar Guido Guidi, i cili ra na Ishëm të Durrësit me avionin e tij të vogël, ngjarje e ndodhur në shtator, duke u dyshuar se kishte ardhur me mision trafiku droge.
Corriere thekson se Guidi ka pasur në xhepat e tij një listë me adresa të rëndësishme njerëzish politikë të lidhur me trafikun e hashashit, por ai nuk i ka dorëzuar tek prokurorët shqiptare ndaj të cilëve nuk ka pasur besim.
Corriere gjithashtu shkruan së Guidi ka jetuar në një kazermë ushtarake i ruajtur 24 orë. Ka gjasa, thotë gazeta që këtë të vërtetë e dinë shërbimet sekrete italiane që e kishim dërguar atë me mision por që u ndërpre në mënyrë të çuditshme.
Rasti i Guido Guidit përbën vërtet një çudi, pasi nga hetimet e autoriteteve shqiptare zyrtarisht është thënë se atij nuk i janë gjetur prova të qarta për ta implikuar në trafik droge. Ndërkohë, edhe ai vetë ka bërë disa dëshmi kontradiktore mbi arsyet e ardhjes në Shqipëri.
Guidi u lirua së fundi nga autoritet shqiptare pasi la një garanci pasurore prej 10 mijë eurosh. /tesheshi.com/
