Newsweek shkruan se inteligjenca amerikane ka mohuar që virusi koronra është një armë biologjike e bërë në një laborator kinez, por ka treguar që ekziston një mendim tjetër brenda shërbimeve të inteligjencës.
Revista shton se një raport i 27 marsit deklaroi se shërbimet e inteligjencës amerikane nuk mund të përcaktonin me siguri se virusi ishte prodhuar me qëllim në laboratorët kinezë.
Newsweek theksoi se çdo shkencëtar me të cilin ata biseduan kundërshtuan kategorikisht hipotezën se virusi ishte përhapur qëllimisht.
Një zëdhënës i inteligjencës amerikane i tha revistës se megjithatë, agjencitë e inteligjencës nuk ishin dakord për një teori të vetme në lidhje me përhapjen e virusit.
Mediat amerikane së fundmi pohuan se virusi kishte rrjedhur nga një laborator në Wuhan të Kinës, ku virusi u shfaq për herë të parë, me presidentin amerikan Donald Trump që sulmoi Pekinin, duke e akuzuar atë si përgjegjës për përhapjen e epidemisë për shkak të mënyrës se si ai trajtonte çështjen.
Misuri gjithashtu ngriti një padi kundër qeverisë kineze dhe Partisë Komuniste të Kinës për fshehjen e të dhënave dhe mosbërjen e mjaftueshme për të parandaluar përhapjen e virusit.
Në këtë kontekst, qeveria australiane njoftoi të mërkurën e kaluar se Kryeministri Scott Morrison kishte kërkuar ndihmë për të hapur një hetim ndërkombëtar për burimin dhe përhapjen e pandemisë, në bisedime telefonike me Trump dhe Presidentin francez Emmanuel Macron, si dhe kancelaren gjermane Angela Merkel.
Kërkesat e Australisë për të filluar një hetim të pavarur mbi origjinën e virusit dhe përhapjen e tij dhe përgjigja e Organizatës Botërore të Shëndetit (OBSH) kanë tërhequr kritika të ashpra nga Kina.
Pekini ka akuzuar ligjvënësit australianë për marrjen e udhëzimeve nga Shtetet e Bashkuara.
Virusi u shfaq për herë të parë në dhjetor 2019 në Wuhan, kryeqyteti i provincës Hubei të Kinës, dhe shumë shpejt u përhap në të gjitha pjesët e botës. /tesheshi.com/
