Lojtarët që qëllimisht kolliten në drejtim të një kundërshtari ose gjyqtari nga sezoni i ardhshëm, mund të penalizohen me karton të verdhë apo edhe të kuq, sipas rregullave të reja të Shoqatës së Futbollit të Anglisë.
Rregulli, i cili do të zbatohet ndërsa zgjasin kufizimet pandemike, do të hyjë në fuqi menjëherë pas fillimit të sezonit tjetër dhe do të zbatohet për ndeshjet e të gjitha niveleve të konkurrencës.
Rregullorja e re përcakton që një gjyqtar duhet të reagojë kur është i sigurt se dikush me dashje dhe afërsisht ka kollitur para fytyrës së një lojtari kundërshtar ose të një prej gjyqtarëve.
Kollitja me qëllim do të konsiderohet një shkelje siç është përdorimi i fjalorit fyes ose gjesteve, shkruan agjensia irlandeze RTE.
Dokumenti shton se gjyqtarët nuk duhet të ndëshkojnë kollitjen “rutinore”, dhe se ata duhet t’i kujtojnë lojtarët që të mos pështyjnë në fushë, megjithëse kjo nuk konsiderohet shkelje. /tesheshi.com/
