Policia franceze pretendon se tifozët e Liverpool-it kanë tentuar të futen në stadium me bileta false, ndërsa mediat angleze pretendojnë se për gjithçka fajin e ka organizimi i keq.
UEFA ka njoftuar se do të kryejë një hetim të pavarur për gjithçka që i parapriu ndeshjes finale të Champions League në Paris, duke i referuar kaosit të tifozëve në hyrje të stadiumit, gjë që solli një vonesë në nisjen e ndeshjes.
UEFA si organizatore e ndeshjes u kritikua nga publiku. Fillimisht i gjithë kaosi u shpjegua me pretendimet se prej biletave false është tentuar të parandalohet hyrja e një numri të madh tifozësh.
Policia franceze dhe zyrtarë të lartë fajësuan tifozët anglezë që dyshohet se zotëronin ato bileta false, ndërsa mediat angleze shkruan për një çorganizim të plotë në të cilin oficerët e zbatimit të ligjit në fund përdorën forcë dhe gaz lotsjellës ndaj tifozëve të Liverpool-it.
“UEFA ka urdhëruar një raport të pavarur për të gjitha ngjarjet përpara ndeshjes finale ndërmjet Liverpool-it dhe Real Madridit. Do të mblidhen dëshmi nga të gjitha anët dhe do të publikohen konkluzionet e raportit të pavarur. Kur gjithçka të ketë mbaruar, UEFA do të vendosë për hapat e ardhshëm”, njoftoi Organizata Evropiane e Futbollit.
