Më pak se një vit pasi u bë mbret, Karli është goditur nga një sëmundje malinje.
Shumë britanikë janë të shqetësuar për shëndetin e mbretit të tyre dhe të enjten, më 8 shkurt, ai foli për herë të parë që kur u zbulua diagnoza e tij, të cilën e ndau me kombin për të ndërgjegjësuar burrat për rëndësinë e ekzaminimeve të prostatës.
Në mes të janarit, Charles vendosi t’i nënshtrohej një operacioni për zmadhimin e prostatës, një operacion rutinë për një gjendje nga e cila vuajnë shumë burra.
Megjithatë, kanceri u zbulua edhe gjatë ekzaminimeve mjekësore. Lajmin e vështirë e ka ndarë me publikun, ndërsa të enjten e 8 shkurtit ka dërguar urime me rastin e 50-vjetorit të pavarësisë së Grenadës.
Për t’u rikuperuar sa më shpejt, Charles vendosi të tërhiqej për një kohë dhe t’ia lërë përgjegjësitë e tij anëtarëve të tjerë të familjes. Para së gjithash, është William si trashëgimtari i parë i Charles, por edhe Princesha Anne dhe pjesa tjetër e zyrtarëve mbretërorë.
Siç raportojnë mediat e huaja, mbreti Charles III vendosi për një trajtim të pazakontë dhe më pak invaziv në luftën kundër kancerit. Ende nuk dihet se për çfarë trajtimi bëhet fjalë dhe nëse trajtimi special është i rezervuar vetëm për anëtarët e shquar të shoqërisë, por tani për tani bëhet e ditur se trajtimi javor ambulator do të bëhet në Londër.
“Terapitë e kancerit kanë bërë përparim të madh vitet e fundit dhe janë shumë më të sofistikuara se më parë. Kjo ka një efekt pozitiv në efikasitetin dhe efektet anësore“, zbulon një burim që e përshkruan trajtimin si revolucionar dhe të butë.
Charles aktualisht është duke pushuar në vendstrehimin e tij në Sandringham, një vend veçanërisht relaksues për mbretin, i cili është një adhurues i madh i kopshtarisë dhe çajit të pasdites. /tesheshi.com/
