Golden State Warriors dhe Cleveland Cavaliers do të jenë për herë të tretë radhazi karshi në finalen e NBA-it.
Cleveland Cavaliers ka fituar në ndeshjen e pestë të finales së Konferencës Lindore ndaj Boston Celtics, edhe pse ajo luhej në fushë kundërshtare.
Cleveland fitoi 102-135 në “TD Garden” të Bostonit, duke e çuar në 4-1 rezultatin e takimeve me Boston Celtics.
Heroi i ndeshjes qe LeBron James, që shënoi 35 pikë dhe u bë kështu shënuesi më i mirë i të gjitha kohërave në playoff-et e NBA-it.
Ai la pas të madhin Michael Jordan, rekordi i të cilit qëndroi për 20 vite. Pikët e fundit të Michael Jordan-it në playoff ishin ato në fitoren e Chicago Bulls-it ndaj Utah Jazz-it në ndeshjen e gjashtë në finalet e NBA-it të 1998-s. /tesheshi.com/
