Kryeministri grek, Aleksis Cipras apeloi parlamentin të votojë marrëveshjen e re të Brukselit me kreditorët ndërkombëtarë. Cipras iu drejtuar sidomos deputetëve të partisë së tij të radikalëve të majtë, Syriza, pasi deputetët e Opozitës janë shprehu hapur se do të votojnë paketën e reformave. “Pa mbështetjen tuaj në votimin e kësaj mbrëmjeje, tha Cipras, do të jetë e vështirë për mua të mbetem kryeministër”.
“Ose sonte mbetemi të bashkuar, shtoi ai, ose nesër bie qeveria e së majtës”.
Cipras është përballur me rebelim të deputetëve të partisë së tij, që kundërshtojnë marrëveshjen e arritur prej tij në Bruksel, për shkak të reformave në pensione e privatizime, për të cilat Syriza ka premtuar se nuk do të bjerë nën presionin e kreditorëve. /tesheshi/
