Një Francë me aureolën e një nënkampioneje bote, po bëhet mishërim i anës cinike të futbollit në Euro 2024.
Përballë një Portugalie me një epërsi jo të theksuar, por të dallueshme qartë ndaj saj, Franca me një Mbappe anemik arriti të shkojë në gjysmëfinale me anë të pennalltive, pas një 120-minutëshi pa asnjë gol me iberikët nr. 2.
Kështu, Ronaldo e ka mbyllur pa shkëlqim karrierën më kompeticione ndërkombëtare, duke qenë dhe ai po aq anemik sa Mbappe, së paku na aftësinë për të shënuar, si dikur, në moshën e yllit francez e më vonë.
Por ironia e madhe është se francezët janë në gjysmëfinale me vetëm një gol të shënuar saktësisht prej tyre gjatë pesë ndëshjeve, dhe atë realizuar me 11-metërsh, nga Mbappe në barazimin në grup me Poloninë.
Është ky një ndër bilancet më katastrofikë të një kombëtareje që gjithsesi u ka dhënë tonin Botërorëve dhe Europianeve të fundit, me lojëra dhe me gola. Dhe të mendosh se ende vijon rrugëtimin në sfidën e Gjermanisë. /tesheshi.com/
