Pronarët e Korporatës Wonderful, Stewart dhe Lynda Resnick kanë dhuruar 750 milion dollarë për Institutin California për Teknologji për Kërkimin e Ndryshimit të Klimës, sipas Associated Press.
Ky është një nga dhurimet më të mëdha për një institucion shkencor në historinë amerikane.
“Për të menaxhuar krizën e klimës, ne kemi nevojë për risi revolucionare që do të na lejojnë të bëjmë investime të rëndësishme në kërkimin shkencor”, tha Stewart Resnick.
Sipas tij, shkenca dhe krijimtaria duhet të bashkohen në trajtimin e sfidave që lidhen me energjinë, ujin dhe qëndrueshmërinë.
Resnick është drejtuesi i The Wonderful dhe anëtar i Institutit të Teknologjisë në Kaliforni.
The Wonderful është një kompani private me vlerë disa miliardë dollarë. Ajo është i angazhuar në agrobiznes, ku e rendit veten si prodhuesi më i madh i arrave dhe agrumeve në Shtetet e Bashkuara.
Me donacionin e dhuruar, Instituti i Teknologjisë do të ndërtojë një qendër studimi 6,967 metra katrorë.
Presidenti i Institutit, Thomas F. Rosenbaum tha se granti do të ishte i dobishëm për kërkime në lidhje me ujin, energjinë, ushqimin dhe ndryshimin e klimës, sipas Associated Press. /tesheshi.com/
