Agjencia amerikane e intelegjencës, CIA ka ardhur në përfundim se Rusia ka ndërhyrë në zgjedhjet e vitit 2016, me qëllim që të ndihmojë kandidatin republikan Donald Trump të zgjidhet president, duke minuar kështu besimin në sistemin zgjedhor të SHBA-ve, tha një zyrtar i lartë i së SHBA të premten.
Duke cituar zyrtarë amerikanë të informuar për këtë çështje, Washington Post shkruan se agjencitë e inteligjencës kanë identifikuar individë që kanë lidhje me qeverinë ruse, të cilët kanë hakuar email-ët e kampit demokrat dhe madje edhe mesazhet nga Konventa Nacionale e Demokratëve, përfshirë edhe udhëheqësin e fushatës presidenciale të Hillary Clinton, dhe këto mesazhe ia kanë dhënë WikiLeaks-it, ka thënë për Reuters një zyrtar në kushte anonimiteti.
Presidenti i SHBA, Barack Obama ka urdhëruar agjencitë e inteligjencës që të rishikojnë sulmet kibernetike dhe ndërhyrjen e huaj në zgjedhjet e 2016 dhe të përgatisë një raport para se ai të largohet nga detyra më 20 janar, tha të premten një zyrtar në Shtëpinë e Bardhë.
Zyrtarët e cituar i kanë përshkruar këta persona si të njohur për komunitetin e shërbimeve të inteligjencës, dhe se ata kanë qenë pjesë e operacionit të gjerë rus për ta ndihmuar Trampin dhe zvogëluar shanset e znj. Klinton për të fituar zgjedhjet.
“Është vlerësim i komunitetit të inteligjencës, që qëllimi i Rusisë këtu ishte të favorizonte një kandidat përkundrejt tjetrit – të ndihmohet Tramp të zgidhet”, citon Washington Post zyrtarë të lartë të SHBA-ve, duke vazhduar citimin se “kemi një konsensus në këtë pikëpamje”.
Washington Post vazhdon më tej duke shkruar se këta zyrtarë janë njoftuar me këto informacione nga një prezantim që u ka bërë vet CIA disa senatorëve të rëndësishëm amerikanë prapa dyerve të mbyllura.
CIA, siç shkruhet, ka treguar se ky është një vlerësim i bërë nga mbledhja e fakteve nga burime të shumta.
CIA, po ashtu u ka thënë senatorëve se tani është bukur e qartë se zgjedhja e Trump-it ishte qëllimi i Rusisë, shkruan Washtington Post, duke cituar zyrtarët amerikanë në kushte anonimiteti. Në tetor qeveria e SHBA-ve zyrtarisht kishte akuzuar Rusinë për një fushatë sulmesh kibernetike kundër Partisë Demokratike para zgjedhjeve të nëntorit.
Presidenti Barack Obama ka thënë se ai kishte paralajmëruar Presidentin rus, Vladimir Putin rreth pasojave për sulmet. Por zyrtarët rusë kanë mohuar akuzat për çfarëdo interferimi në zgjedhjet në SHBA.
Ndërsa vet CIA nuk ka komentuar artikullin e Washington Post.
Kurse Trump ka thënë se “ai nuk është i bindur se Rusia qëndron pas sulmeve kiberbnetike”. /tesheshi.com/
