“Shtetet e Bashkuara të Amerikës nuk duan që në Siri të bierë regjimi i Presidentit Al-Assad, pasi një gjë e tillë mund të favorizojë dhe lejojë fuqizimin e shtetit Islamik”,- ka deklaruar kreu i CIA-s Johnn Brennan.
Sipas tij, Uashingtoni nuk dëshiron rënien e regjimit të Assad, pasi kjo mund tu japë mundësinë islamistëve të rrisin pushtetin e tyre në Siri.
“Uashingtoni është i shqetësuar për rënien e mundshme të Presidentit në Siri, pasi kjo do të favorizonte përhapjen e terroristëve islamikë, të cilët janë përhapur së tepërmi në disa zona në Siri dhe Irak, duke detyruar kështu banorët e zonës të largohen nga vendi”,- ishin fjalët e Bernnan.
Sipas tij, gjëja e fundit që Shtëpia e Bardhë do që të bëjë, është lejimi i marshimit të islamistëve drejt Damaskut. “Kjo është edhe arsyeja kryesore që SHBA-ve u intereson ende që Bashar Al Assad të mos bjerë nga pushteti”- është shprehur numri një i CIA-s./tesheshi.com/
