Presidenti rus Vladimir Putin ka nënshkruar një ligj të ri që ndalon barazimin publik të BRSS-së dhe Gjermanisë naziste gjatë Luftës së Dytë Botërore.
Barazimi i “qëllimeve, vendimeve dhe veprimeve” të komandës civile dhe ushtarake të BRSS, si dhe ushtarëve sovjetikë me Gjermaninë naziste u shpall shkelje, për të cilën qytetarët përballen me një gjobë prej 1000 deri në 2000 rubla (nga 20 në 40 KM), ose burgim në kohëzgjatje prej 15 ditësh.
Për zyrtarët janë parashikuar dënime më të rrepta. Ata përballen me një gjobë prej 2000 deri në 4000 rubla, ndërsa gjobat për personat juridikë variojnë nga 10,000 deri në 50,000 rubla.
Gjithashtu, ky ligj ndalon rreptësisht mohimin e rolit çlirimtar të BRSS.
Në rast të shkeljeve të përsëritura, gjoba maksimale për qytetarët rritet në 5,000 rubla dhe për zyrtarët në 20,000 mijë rubla.
Nëpunësit civilë që e përsërisin këtë vepër mund të dënohen me pezullim nga 6 muaj deri në një vit. Për personat juridikë parashikohet një gjobë në shumën prej 50,000 deri në 100,000 rubla ose pezullim administrativ i veprimtarisë deri në 90 ditë.
Ligji i ri ndalon gjithashtu mohimin e “rolit vendimtar të popullit sovjetik në humbjen e Gjermanisë naziste”, si dhe mohimin e “misionit humanitar të BRSS në çlirimin e vendeve evropiane”. /tesheshi.com/
