Partia Demokratike po përpilon me shpejtësi listat e saj për deputetë në një kohë rekord pasi afati i regjistrimit përfundon pasnesër.
Por, dhe pse Basha po shkel premtimin e dhënë se emrat do të vinin nga baza pas një përzgjedhje me votë, presioni ndaj tij në këto momente është shumë i madh.
Disa media që njihen si të afërta me PD-në kanë nisur tyë qarkullojnë listat e tyre por nuk dihet se sa afër janë këto emra me listën zyrtare të Bashës, apo janë thjesht një mënyrë për të rënë në sy në momentet e fundit.
Burime nga PD-ja thonë se emrat e sigurtë në listë janë ata që drejtojnë grupet e punës ne 12 qarqe dhe deputetët e propozuar si anëtarë në komsionet “ad hock” për vettingut.
Një problem tjetër është me aleatët, të cilët kërkojnë 1 ose 2 vende të sigurta në listën e PD-së.
Por presioni i fundit kreut të PD-së i ka ardhur prej një drejtuesi lokal të partisë.
Bëhet fjalë për kryetarin e degës së PD-së së Gjirokastrës. Siç raporton Tema nëpërmjet një portal lokal pranë tij, Roland Bejko i bën presion Bashës që ta fusë në listë duke i kujtuar 2 mijë votat e Lazaratit.
“Brenda 48 orëve Partia Demokratike do të zyrtarizojë listën e kandidatëve për deputetë në 12 qarqet e vendit. Një prej dilemave të kryetarit Lulzim Basha është vendosja apo jo në lista e kryetarëve të PD-së nëpër rrethe. Sa i përket qarkut Gjirokastër, kreu i PD Roland Bejko pretendon të jetë pjesë e listës së kandidatëve. Në mos të kryesojë listën, së paku të jetë i dyti në radhë, ndonëse PD ka pak shanse të fitojë dy mandate në këtë qark. Por lënia e tij jashtë listës dhe zëvendësimi me ndonjë emër tjetër nga radhët e klanit të Genc Rulit, mund të shkaktonte jo pak probleme duke ditur influencën e tij në
Lazarat. Ky i fundit i jep PD-së mbi 2 mijë vota neto pasi njihet historikisht si një bastion i të djathtës”- shkruan ky portal lokal pranë Bejkos./tesheshi.com/
