Një zë nga ana e pushtetit në Kosovës, anëtari i kryesisë së PDK-së, Rrustem Mustafa, i njohur ndryshe si ish-Komandant Remi, e ka quajtur të ndjerin Astrit Dehari, ish-aktivistin e Vetëvendosjes së ndërroi jetë në paraburgim, si një “hero të drejtësisë së dështuar”.
Ai ka fajësuar shtetin për këtë rast tragjik, edhe pse partia e tij qeveris së bashku me LDK-në. Por sicc dihet, një pjesë e PDK-së, e ndjen qëndrimin në koalicion me partinë e Isa Mustafës si prej zorri, duke e shprehur dhe hapur jo pak herë kundërshtimin e kësaj bashkëqeverisjeje. Kjo, po reflektohet së fundi edhe në qëndrime si ky:
Postimi i plotë:
“Astrit Dehari dhe shteti normal
Qendrat e paraburgimit dhe burgjet e Kosovës udhëheqen nga ekipe joprofesionale. Për më shumë, janë kampione të shkeljeve ligjore. Këtë e dinë zinxhiri menaxhues, prej të parit e deri te niveli më i lartë i shtetit. Astrit Dehari duhet të cilësohet martir i drejtësisë së dështuar në Kosovë. Duke njohur familjet e Astritit dhe të bashkëakuzuarve të tij, dyshoj thellësisht që ata të kenë pasur gisht në aktet për të cilat akuzohen. Shteti duhet të reflektoj.
Astrit u prehshë në paqe.
Për mua je hero.
Ndër të parët që të trasoj fillesat e një shteti normal…” /tesheshi.com/
