Qeveria finlandeze ka ofruar të krijojë një bazë në territorin e saj për dronët e mëdhenj të zbulimit të NATO-s.
Sipas mediave lokale, dronët nga Italia janë aktualisht aktivë, dhe në gusht ata fluturuan gjithashtu mbi hapësirën ajrore finlandeze për të mbledhur informacione përgjatë kufirit lindor të vendit. Forcat Ajrore Finlandeze kanë katër baza alternative, nga të cilat Pirkala është lokacioni më i mundshëm, sipas mediave finlandeze.
Planet e NATO-s për bazën e re janë ende në fazat e hershme dhe një vendim për vendndodhjen e bazës së dronëve pritet të merret vitin e ardhshëm. Megjithatë, aleanca ushtarake ka konfirmuar se ka nevojë për një vend për dronët e mbikqyrjes në Evropën veriore.
Finlanda ka forcuar aftësitë e saj mbrojtëse pas anëtarësimit në NATO më 4 prill 2023, gjë që ka ndryshuar balancën e fuqisë në Evropën veriore dhe ka rezultuar në rritje të tensioneve me Rusinë.
Anëtarësimi i Finlandës në NATO shkaktoi kërcënime ushtarake nga Kremlini dhe presidenti rus Vladimir Putin akuzoi Perëndimin se e “tërheq” Finlandën në aleancën ushtarake dhe për krijimin e një përçarjeje midis Moskës dhe Helsinkit. /tesheshi.com/
