Papa Françesku tha të dielën se ai ishte i goditur nga vendimi i Turqisë për ta kthyer Hagia Sophia-n Stambollit nga një muze në një xhami.
Thënë ndryshe, siç shumë zëra të krishterë, ku veçojnë ata ortodoksë, edhe vetë kreu i botës katolike, nuk është dakort që aty të adhurohet Zoti, siç në çdo objekti kulti ndërtuar për këtë qëllim suprem.
“Mendimet e mia janë me Stambollin. Unë jam duke menduar për Shën Sofinë dhe kjo më lëndon shumë,” tha ai gjatë meshës së së tij të rregullt në Sheshin e Shën Pjetrit.
Presidenti turk Rexhep Tajip Erdogan nënshkroi një dekret në 10 korrik për ta kthyer Hagia Sophia në një xhami. Ky dekret revokoi vendimin e autoriteteve turke nga viti 1934 për ta kthyer këtë faltore në një muze. Kjo pasi katedralja e madhe ortodokse e epokës së Bizantit, simbol i kësaj perandorie që rrëzua nga ajo Osmane, është një pronë e blerë dhe më pas e shndërruar në vakuf.
Aleanca Botërore e Kishave i bëri thirrje Erdoganit që të tërhiqte vendimin e tij, ndërsa Patriarku i Stambollit Bartholomeu, udhëheqësi shpirtëror i të krishterëve ortodoksë, e quajti atë “zhgënjyes”.
Ndër reagime të tjera, duhet të veçohet mesazhi i Florian Hahn, një anëtar i Bundestagut gjerman, i cili beson se për shkak Haghia Sophia, negociatat për anëtarësimin e Turqisë në BE duhet të ndërpriten. /tesheshi.com/
