Për shkak të luftës dhe sanksioneve, Rusia duhet të zhvillojë urgjentisht tregje të reja për kompanitë e saj të naftës dhe gazit, dhe Vladimir Putin po mbështetet gjithnjë e më shumë tek teknokratët e rinj rusë që e njohin mirë Perëndimin sepse janë arsimuar atje.
Wall Street Journal shkruan për ish-bankierin 37-vjeçar të bankës Morgan, Stanley Pavel Sorokin, zëvendësministrin e Energjisë së Rusisë.
Ai studioi financa në Londër, negocioi marrëveshje në Afrikë dhe Lindjen e Mesme, u përfshi në zhvillimin e OPEC+, një partneritet midis industrisë ruse të naftës dhe Organizatës së Vendeve Eksportuese të Naftës të udhëhequr nga Arabia Saudite.
Përveç kësaj, Sorokin luajti një rol kyç muajin e kaluar në përcaktimin e çmimeve fikse për eksportet e naftës, të cilat do të sigurojnë 8.2 miliardë dollarë të ardhura tatimore që do të derdhen në thesarin e shtetit.
Sorokin është bërë “arma sekrete” e Rusisë në zbutjen e ndikimit të sanksioneve perëndimore, tha për WSJ Viktor Katona, një ekspert dhe analist i energjisë.
Putini, i rrethuar prej kohësh nga ish-spiunë si ai dhe miq biznesi nga Shën Petersburgu, po i drejtohet gjithnjë e më shumë ekspertëve të rinj që flasin rrjedhshëm anglisht dhe i përmbahen ideologjisë së tij nacionaliste.
“Sorokin është mishërimi i diçkaje që nuk ekzistonte në Bashkimin Sovjetik. Ai është pjesë e një race të re të rinjsh që kishin një zgjedhje dhe vendosën të punonin në qeverinë ruse,” shtoi Katona.
Sorokin ka lindur në Moskë dhe është rritur në Qipro në një familje diplomatësh rusë. Ai u kthye në Rusi dhe u punësua në bankën Ernst & Young, më pas në Alfa-Bank, banka më e madhe private ruse. Më vonë u transferua në zyrën e Morgan Stanley në Moskë.
Thuhej se ai ishte një yll në rritje, dhe ishte gjithashtu një mbështetës i pikëpamjeve konservatore mbi politikën ruse. Një ish-koleg i tij tha se ishte kritik ndaj hapjes politike të Rusisë në vitet 1990. Ai donte ta bënte Rusinë të madhe përsëri, tha një koleg tjetër.
“Gjithë jetën time, si fëmijë, kam jetuar dhe studiuar jashtë vendit. Dhe gjithmonë e kam ditur se doja të kthehesha në atdheun tim,” i tha Sorokin Putinit, sipas një transkripti nga Kremlini.
Siç thuhet në biografinë e tij, ai punoi në Morgan Stanley për tre vjet e gjysmë si nëndrejtor dhe drejtues i sektorit rus të naftës dhe gazit.
Në periudhën 2014 dhe 2015, ai u rendit si një nga analistët më të mirë të sektorit të naftës dhe gazit në Rusi, si dhe ishte drejtues i “Qendrës së Kërkimeve të Energjisë” të Ministrisë së Energjisë.
Prej janarit 2018 është zëvendësministër. Evropa ishte konsumatori kryesor i energjisë ruse, por që nga vendosja e sanksioneve, Kremlini është kthyer nga India dhe Kina, por këto vende zakonisht e blejnë atë me zbritje të mëdha në krahasim me çmimet e tregut, kështu që të ardhurat nga nafta dhe gazi natyror ranë 46 për qind në janar krahasuar me të njëjtin muaj të vitit të kaluar, sipas të dhënave nga Ministria ruse e Financave.
Dhe falë Sorokin, Rusia eksportoi më shumë se tetë milionë fuçi naftë në janar, e cila nuk është regjistruar që nga prilli 2020.
Ndër të tjera, ai ka vizituar edhe kryeqytetin e Republikës së Kongos, Brazaville, ku ka takuar presidentin aty, ku tema ka qenë energjia, është takuar gjithashtu edhe me përfaqësuesin e Afganistanit, me të cilin është rënë dakord që të furnizohet Kabuli me karburant rus.
Në rritje është edhe zëvendësministri rus i financave, 39-vjeçari Alexey Sazanov, i cili u arsimua në Oksford dhe bashkëpunoi me Sorokin, me të cilin tani luan një rol kyç në gjetjen e mënyrave për të mbuluar deficitin në rritje të shpejtë të Rusisë.
Është edhe këshilltari ekonomik i Putinit, Maksim Oreshkin. /tesheshi.com/
