Pavarësisht fitores në derbin ndaj Totenhem, Çelsi sërish nuk e përjashton mundësinë që trajneri Antonio Conte të shkarkohet.
Lajmi ka dalë nga e përditshmja gjermane “Bild”, e cila shkruan se raportet mes klubit dhe italianit, nuk janë më idilike si më parë. Madje prestigjozja gjermane shkon edhe më tej me lajmin e saj, pasi njofton se londinezët kanë gjetur edhe zëvendësuesin e Conte-s, që është ish-trajneri i Borusias së Dordmund, Tomas Tushel.
Gjermani njihet si trajner që punon ngushtë me lojtarët dhe që lançon të rinjtë e akademisë në formacionin e parë.
“Bild” shkruan se një prej çështjeve që ka acaruar palët, ka qenë merkatoja e zhvilluar nga klubi londinez, për të cilën Konte është ankuar se nuk ka dhënë miratim të plotë.
Ndërsa klubi i Abramoviç nga ana e tij, nuk e ka pritur mirë cënimin e imazhit pas “përzënies” që iu bë sulmuesit Diego Costa.
Po kështu nuk ka pritur mirë humbjen e parë ndaj Burnley në kampionat, e me sa duket, ka sinjale se edhe në dhomat e zhveshjes, nuk ka unitet e se italiani nuk gëzon besimin e të gjithë lojtarëve.
Për t’i paraprirë çdo situate, por edhe për të bërë një lëvizje me sa më pak pasoja për skuadrën, blutë londinezë, kanë nisur bisedimet me Tushel. Përveç emrit të gjermanit, si ide “rezervë” është parë edhe Luis Henrike, i cili është trajner i lirë, që pas mbylljes së kapitullit Barcelona. /tesheshi.com/
