Do të jetë Çeku Pavel Kraloveç ai që do të arbitrojë sfidën e të dielës mes Rumanisë dhe Shqipërisë. Kraloveç është përmendur gjatë pas një ndeshjeje të Champions League midis Romës dhe Real Madrid, pas mohimit të dy 11 metërshave për italianët.
Sfida mes Rumanisë dhe Shqipërisë që do zhvillohet ditën e diel në orën 21 do të arbitrohet nga 38 vjeçari çek Pavel Kraloveç, i cili është përmendur gjatë pas një ndeshje të Champions League midis Romës dhe Real Madrid që përfundoi me rezultatin 0-2.
Në këtë sfidë gjykimi i Kraloveç u cilësua si skandaloz pas mohimit të dy 11 metërshave për italianët. Gjithashtu çeku ka arbitruar edhe një sfidë e vlefshme për Europa League, mes Steaua Bucuruesti dhe Napolit, ku ka nxjerrë nga xhepi kartonin e verdhë plot 8 herë.
Edhe pse nuk kemi grumbulluar ende asnjë pikë në grup, matematika na jep ende shpresë për kalimin e grupit. Në ndeshjen kundër Rumanisë duhet patjetër fitorja për të siguruar vendin e tretë. /tesheshi.com/
