Presidenti i UEFA-s Aleksander Ceferin foli pasi Gjykata Evropiaen vendosi se UEFA dhe FIFA vepruan kundër ligjit të konkurrencës kur ndaluan Superligën, një kompeticion të tentativë që anashkalon dy institucionet kryesore të futbollit botëror, ideuar për t’u realizuar nga klubet më të pasura të kontinentit, siç Real e Barcelona dhe të ngjashmeve me to.
“Ne do të kontrollojmë dhe vlerësojmë nëse duhet të ndryshojmë qëndrimin tonë ndaj Superligës. Është e rëndësishme të theksohet se Superliga nuk bazohet në parimet që janë themeli i futbollit, që janë parimet e suksesit sportiv. Vetëm UEFA garanton atë”, tha Ceferin.
“Ne nuk do të përpiqemi t’i ndalojmë ata. Ata mund të krijojnë çfarë të duan. Shpresoj që ata të fillojnë konkurrencën e tyre fantastike sa më shpejt të jetë e mundur, me dy klube. Shpresoj se ata e dinë se çfarë po bëjnë…Futbolli nuk shitet.
Kam parë sistemin e konkurrimit në prezantimin e tyre. Është e vështirë të vendos nëse do të tronditem apo të argëtohem nga kjo shfaqje. Sistemi është edhe më i mbyllur se ai i vitit 2021, të cilin të gjithë e refuzuan”, shtoi presidenti i UEFA-s. /tesheshi.com/
