Mungesën e liderëve rusë dhe kinezë në samitin e G20 në New Delhi këtë fundjavë, sipas Bloomberg, presidenti amerikan Joe Biden synon ta përdorë atë për një komunikim më urgjent me presidentët e Brazilit, Indonezisë dhe Afrikës së Jugut.
Duke vepruar kështu, ai dëshiron të qartësojë pozicionin e Uashingtonit në lidhje me ata që mbajnë një pozicion neutral ndaj konfliktit të Ukrainës dhe kërkojnë marrëdhënie më të ngushta me Kinën. Pra bëhet fjalë për Brazilin, Indonezinë dhe Afrikën e Jugut.
A do të jetë me të vërtetë samiti i G20 që do të mbahet në New Delhi këtë fundjavë për klimën dhe energjinë, apo do të mbizotërojë intriga gjeopolitike e shkaktuar nga agresioni rus kundër Ukrainës?
Samiti i fundit i BRICS, si dhe ftesa për gjashtë vende për t’u bërë anëtarë të atij blloku, na tregojnë se shumë vende nuk ndajnë pikëpamjet e Perëndimit liberal.
Në të njëjtën kohë, BRICS pozicionohet si mbrojtës i “jugut global”, që nënkupton një numër të madh të vendeve të pazhvilluara, ndërsa G20 është krejtësisht e kundërta – një grup i vendeve më të zhvilluara në botë.
Megjithatë, jo gjithçka është e njëjtë këtu. India, mikpritëse e samitit, për shkak të madhësisë së saj dhe së fundmi popullsia më e madhe në planet, është një përfaqësim pothuajse besnik i tablosë sociale të popullsisë globale. Domethënë, hendeku midis të varfërve dhe të pasurve është i dukshëm në çdo hap.
Jo vetëm për shkak të përmbytjeve të fundit, por edhe për shkak të përgatitjeve për samitin, shumë banorë të New Delhit kanë mbetur të pastrehë.
Që mund të shpreshet për efekte të dobëta në çështjen e energjisë së rinovueshme dhe teknologjive të reja të energjisë, konfirmohet indirekt nga Bloomberg amerikan.
Përkatësisht, presidenti Biden do të bisedojë edhe me princin saudit të kurorës Mohammed bin Salman Al Saud për rritjen e prodhimit të naftës, natyrisht pas vendimit të fundit të Riadit dhe Moskës për uljen e prodhimit ditor, i cili shkaktoi rritje në çmimin global.
Nëse presidenti amerikan do t’i kërkojë princit të kurorës saudit vendosjen eventuale të marrëdhënieve diplomatike mes Arabisë Saudite dhe Izraelit, atëherë është e vështirë të besohet se ai mund të arrijë rezultate më serioze me vendet neutrale në lidhje me qëndrimin ndaj luftës në Ukrainë.
Fakti që liderët rusë dhe kinezq, Vladimir Putin dhe Xi Jinping, nuk do të vijnë në samitin në New Delhit, por do të përfaqësohen nga ministri i jashtëm Sergei Lavrov dhe kryeministri kinez Li Qiang, mund të interpretohet si një sinjal se Pekini dhe Moska po monitorojnë me kujdes lëvizjet e atyre me të cilët po ndërtojnë, siç duan të thonë, një miqësi të çeliktë dhe të pathyeshme – Brazili dhe Afrika e Jugut, vende shumë afër Amerikës! /tesheshi.com/
