Carola Rackete, kapitenia e një anijeje shpëtimi gjermane me emigrantë, Sea-Ëatch 3, u largua nga Italia, tha një zëdhënëse për organizatën e saj.
Ajo tha se besonte se Rackete ishte kthyer në Gjermani dhe më vonë do të udhëtonte në një vend tjetër, por duke cituar mbrojtjen e privatësisë, zëdhënësja shtoi se nuk mund të ishte e sigurt se ku ndodhej kapitenia.
“E vetmja gjë që është e sigurt është se ajo u largua nga Italia”, shtoi ai.
Rackete, 31 vjeçe, ishte në Agrigento në Sicili të enjten për t’u pyetur nga prokurorët që e akuzojnë atë për ndihmën ndaj imigracionit të paligjshëm dhe nxitjen e urdhrave nga një anije ushtarake.
Rackete dyshohet se ka kryer një vepër penale në Itali pasi mori 29 emigrantë nga ishulli Lampedusa më 29 qershor, duke injoruar një urdhër për të mos hyrë në ujërat territoriale italiane.
Zv/Kryeministri Matteo Salvini, i cili promovon një politikë kokëfortë ndaj migrantëve, është një nga kritikët më të zëshëm të Racketas.
Para publikimit të lajmit se Rackete kishte lënë Italinë, Salvini postoi një status ku u shpreh: “Nuk mund të presim më. Ta dëbojmë këtë komuniste gjermane që të kthehet në shtëpi”. /tesheshi.com/
