Kupa Sudamerikana, finalet e së cilës mbetën pa u luajtur për shkak të rrëzimit të avionit që u mori jetën futbollistëve të ekipit brazilian, tanimë e ka një fitues për këtë sezon.
Çapekoense është shpallur të hënën kampion i kësaj veprimtarie futbollistike. Një njoftim i CONMEBOL-it, organit që drejton futbollin në Amerikën e Jugut, e bëri të njohur vendimin.
Ishte klubi kolumbian i Atletiko Nacionalit, finalisti tjetër i Kupës Sudamerikana, që pati propozuar shpalljen e Çapekoenses kampione të aktivitetit.
Pkërisht për këtë, CONMEBOL-i e nderoi ekipin kolumbian me Çmimin e Lojës së Ndershme.
Çapekoense pati bërë bujë në futbollin amerikanolatin me arritjen gjer në finalen e kësaj kupe, një rrugëtim që u ndërpre nga aksidenti ajror i javës së shkuar pranë Medelinit në Kolumbi. /tesheshi.com/
