Lulzim Basha nuk ka pranuar një numër të madh ofertash që i janë bërë nga dy negociatorët e BE-së pasi ka kërkuar vetëm qeveri teknike.
Pikërisht ky kusht ultimativ nuk është pranuar nga ndërkombëtarët, të cilët janë larguar pa i thënë mirupafshim kryetarit të PD-së.
Siç mësohet nga burime diplomatike, dyshja europianë i ka ofruar Lulzim Bashës deri dhe emërimin e njerëzve të tij në 12 drejtoritë e policive në qarqe në bashkëpunim nga ndërkombëtarët, përveç ndryshimeve në KQZ por edhe garanci të tjera zgjedhore; madje edhe largimi nga ministri i Brendshëm Fatmir Xhafa i 12 drejtorëve të Policisë në të gjithë vendin ka qenë shenjë për kompromis, meqë Basha ka akuzuar policinë për lidhje me trafikantët.
Por në fund, Pas disa tentativave, David Mcallister dhe Knut Fleckenstein janë larguar menjëherë nga Tirana për t’u takuar urgjent me kancelaren gjermane Angela Merkel. /tesheshi.com/
