Është e rëndësishme të kuptojmë se lodhja përbën një alarm, të cilin psiqika ia dërgon trupit të njeriut.
Më poshtë po ju ofrojmë disa këshilla, të cilat mund t’ju ndihmojnë të ngadhnjeni kundër lodhjes ditore.
Së pari duhet të vendosni mentalisht për të ngadhnjyer lodhjen, ky është hapi i parë i rëndësishëm. E nëse vini re se situata juaj është jashtëzakonisht e keqe, kërkoni ndihmën mjekësore nga mjeku juaj.
Në qoftë se shkaku i lodhjes tuaj është psiqika, ndërkohë që jeni fizikisht të shëndetshëm, duhet të ndiqni hapat e nevojshëm, ku i pari është dalja në diell.
Mungesa e vitaminës D mund të jetë shkaku i lodhjes tuaj, sidomos në ditët e pranverës. Mënyra më e mirë që trupi juaj të marrë vitaminën D është ekspozimi ndaj diellit. Mjafton ecja në këmbë, shpejt ose ngadalë, për t’i siguruar trupit vitamina të mjaftueshme dhe për të forcuar imunitetin.
Ndoshta nuk keni ditur, por lodhja mund të jetë një shenjë se ju mungon oksigjeni. Jeta sedentare gjatë dimrit dhe mënyra pasive e jetesës janë të lodhshme për trupin. Filloni çdo ditë me trajnime me qëllim që ta zgjoni trupin dhe kështu ta përmirësoni futjen e oksigjenit në organizëm.
Mos e mbingarkoni veten me detyrime që nuk mund t’i realizoni në orarin e rregullt të punës. Çdo gjë e tejkalueshme dërmon imunitetin tuaj dhe i hap rrugën sëmundjeve. Përpiquni të kryeni punët brenda orarit të rregullt të punës dhe shmanguni çfarëdo pune jashtë orarit.
Përpiquni që gjithmonë të jeni të rrethuar nga njerëz të cilët nuk ju lodhin, që janë dashamirës dhe me të cilët ndani interesa të përbashkëta. Në këtë mënyrë ju i shmangeni situatave negative të cilat ngarkojnë shpirtin dhe trupin tuaj, dhe që ju lodhin.
Jepni përparësi gjërave të mira në jetën tuaj dhe shmanguni nga stresi në mënyrë graduale. /tesheshi.com/
